‘અમેરિકા કા નેતા કૈસા હો…’ USના ચૂંટણી પ્રચારમાં પણ દેશી ભાષાની બોલાબાલા

અમેરિકામાં નવેમ્બરમાં યોજાનારી રાષ્ટ્રપતિ પદની ચુંટણીમાં ભારતીય- અમેરિકી મતદારોનો દબદબો છે. અમેરિકામાં વસતા 13 લાખ ભારતીય મતદારોની ચુંટણીમાં મહત્ત્વની ભૂમિકા રહેવાની છે. રાષ્ટ્રપતિ પદની ચુંટણીમાં હાર જીતનો આધાર ભારતીય મતદારો પર રહેલો છે. અને એટલે જ ડેમોક્રેટીક પાર્ટીના ઉમેદવાર જો બાઇડેનના સમર્થકોએ હિંદી ભાષા સહીત 14 ભાષામાં નારા તૈયાર કર્યા છે અને ભારતીયોના મત ખેંચવા પુરા પ્રયાસ થઇ રહ્યા છે. ડેમોક્રેકીટ પાર્ટીના કમલા હૈરીસનું નામ ઉપ રાષ્ટ્રપતિ પદ માટે જાહેર કરવામાં આવ્યું છે અને કમલા મૂળ ભારતીય હોવાથી ભારતીય મતદારોને લલચાવવામાં આવી રહ્યા છે.