ટીમ ઇન્ડિયાના ઓલરાઉન્ડર હાર્દિક પંડ્યાએ વર્ષ 2020ના પ્રથમ દિવસે જ ખુશખબરી આપી હતી. હાર્દિક પંડ્યાએ સર્બિયાની એક્ટ્રેસ અને મોડલ નતાશા સ્ટાંકોવિચ સાથે સગાઈ કરી લીધી હતી
નતાશા સ્ટાંકોવિચએ આજે ઈન્સ્ટાગ્રામમાં એક ફોટો શેર કર્યો છે. આ ફોટામાં નતાશા હાર્દિકની સામે જોઈ રહી છે. અને હાર્દિક તેનાં પેટ પર હાથ રાખીને ઉભો છે. ફોટો શેર કરતાં નતાશાએ કેપ્શન લખ્યું છે કે, હાર્દિક અને મેં અત્યાર સુધી અને હાલ પણ ઘણી યાદગાર સફર ખેડી છે. અને તે ફક્ત સારી જ થઈ રહેશે. અને ટૂંક સમયમાં જ નવા મહેમાનનું આગમન કરવા માટે અમે બંને ખુબ જ રોમાંચિત છીએ. અમે બંને જીવનના આ નવા પડાવને લઈ સુપર એક્સાઈટેડ છીએ. અને અમે તમારા આશીર્વાદ માગીએ છીએ.
